← ToGo in Lawსაიტის კონფიდენციალურობა
21 ოქტომბერი, 2026
ვინ ამუშავებს მონაცემებს
ToGo in Law. საკონტაქტო ელფოსტა: togoinlaw@gmail.com.
კონსულტაციაზე ჩაწერა
კალენდრით ჩაწერისას სახელი, ელფოსტა, ტელეფონი, არჩეული დრო და საკითხის მოკლე აღწერა ინახება საიტის დაცულ სერვერულ ნაწილში და იგზავნება კომპანიის Aspro Cloud-ში. კომპანიის Gmail-მისამართზე იგზავნება შეტყობინება მოთხოვნის შესახებ. კალენდრის საჯარო ნაწილი სხვა მომხმარებლების სახელებსა და შეხვედრების შინაარსს არ აჩვენებს. ჩაწერის მონაცემების დამუშავების დამატებითი ინფორმაცია.
საიტზე ვიზიტი
საჯარო გვერდების ნახვების აღსარიცხად ვიყენებთ Metricool-ს. მას გადაეცემა საჯარო გვერდის მისამართი, ეკრანზე ბრაუზერის ფანჯრის ზომა და, თუ ხელმისაწვდომია, გადმომყვანი საიტის დომენი. მომსახურება კავშირისას იღებს IP-მისამართსაც. ჩვენი აღრიცხვის კოდი არ აგზავნის ფორმაში შეყვანილ სახელს, ელფოსტას, ტელეფონს, კონსულტაციის თემას, საძიებო ტექსტს ან საიდუმლო გასაღებებს. ადმინისტრირებისა და საბანკო შემოწმების გვერდები ამ აღრიცხვაში არ შედის. აღრიცხვის ეს კოდი ქუქი-ფაილს არ ქმნის და პატივს სცემს ბრაუზერში ჩართულ Do Not Track/GPC სიგნალს. ჩაწერისა და ადმინისტრირების უსაფრთხოებისთვის გამოიყენება აუცილებელი სესიის ქუქი-ფაილი. ჰოსტინგმა შეიძლება შეინახოს კავშირის ტექნიკური მონაცემები საიტის მუშაობისა და უსაფრთხოებისთვის. Metricool-ის კონფიდენციალურობის პოლიტიკა.
გარე მომსახურებები
ვოცაპის, ელფოსტის, სოციალური ქსელის ან რუკის ბმულზე გადასვლისას შესაბამისი მომწოდებლის მომსახურებით სარგებლობთ. მის მიერ მონაცემების დამუშავებას საკუთარი წესები განსაზღვრავს. კომპანიის Gmail-მისამართზე გამოგზავნილი წერილი მუშავდება Google-ის საფოსტო მომსახურებით.
შენახვა და თქვენი უფლებები
მიმართვასთან დაკავშირებული ინფორმაცია ინახება საკითხის განხილვისა და შემდგომი ურთიერთობისთვის საჭირო დროით, შესაბამისი სამართლებრივი ვალდებულებებისა და მოთხოვნათა დაცვის გათვალისწინებით. შეგიძლიათ მოითხოვოთ ინფორმაცია თქვენს მონაცემებზე, მათი გასწორება, წაშლა ან სხვა კანონით გათვალისწინებული უფლებით სარგებლობა ელფოსტაზე: togoinlaw@gmail.com. თუ წაშლის მოთხოვნა სრულად ვერ შესრულდება სამართლებრივი საფუძვლის გამო, გაცნობებთ მიზეზსა და ფარგლებს. მოთხოვნას განვიხილავთ კანონით დადგენილი წესითა და ვადებში.
საიტის საშუალებით კონტაქტი თავისთავად არ წარმოადგენს იურიდიული მომსახურების ხელშეკრულების დადებას. პირველ მიმართვას არ დაურთოთ პაროლები ან არასაჭირო კონფიდენციალური დოკუმენტები.
ვოცაპის აპლიკაციის ცალკე პოლიტიკა · აპლიკაციის მონაცემების წაშლა
Google Maps · რუკა და შეფასებები
ჩაშენებული Google რუკა იტვირთება გვერდის გახსნისას. ამ დროს თქვენი ბრაუზერი უკავშირდება Google-ს, რომელიც მონაცემებს საკუთარი კონფიდენციალურობის წესებით ამუშავებს. მარშრუტისა და შეფასებების ბმულებიც Google Maps-ში გადაგიყვანთ.
Google-ზე გამოქვეყნებული შეფასებების მოკლე ამონარიდებს მითითებული აქვს ავტორი, წყარო და გადამოწმების თარიღი. ისინი ავტომატურად არ ახლდება; სრულ და მიმდინარე მიმოხილვებს გაეცანით Google-ზე.
Встроенная карта Google загружается при открытии страницы. При этом браузер подключается к Google. Короткие выдержки из отзывов содержат имя автора, ссылку на источник и дату проверки; они не обновляются автоматически.
The embedded Google map loads when the page opens, connecting your browser to Google. Review excerpts include the author, source and verification date and are not updated automatically.
Google · კონფიდენციალურობის წესებისაიტის ჩატი და ონლაინ შეხვედრა
ჩატში ინახება მითითებული სახელი, შეტყობინებები, დრო და პასუხის ავტორი თანამშრომელი. ისტორიას ხედავს კომპანიის უფლებამოსილი გუნდი მომსახურების გაწევის მიზნით. მონაცემების წაშლის მოთხოვნისთვის მოგვწერეთ: togoinlaw@gmail.com. კონფიდენციალური დოკუმენტები ჩატში არ გამოაგზავნოთ.
შეხვედრის დასაჯავშნი ფორმა მოწოდებულია Google Calendar-ის მიერ; სახელსა და ელფოსტას Google ამუშავებს თავისი წესებით და გადასცემს შეხვედრის ორგანიზატორს. საიტის გახსნისას ჩაიტვირთება Google-ის რუკა, ხოლო დაჯავშნის სექციაში — Google Calendar. კერძო კალენდრის სხვა ჩანაწერები საჯაროდ არ ქვეყნდება.